Almaty oblysy ákiminiń ókimimen Jaqanbaev Álibek Áskerbekuly oblys basshysynyń orynbasary bolyp taǵaiyndaldy, - dep habarlaidy QazAqparat.
Álibek Áskerbekuly Jaqanbaev 1964 jyly týǵan.
Qazaqtyń Eńbek Qyzyl Tý ordendi aýyl sharýashylyǵy institýtyn orman sharýashylyǵynyń injeneri mamandyǵy boiynsha bitirgen.
Eńbek jolyn Alakól aýdany «Levoberejnyi» keńsharynyń jumysshysy bolyp bastady. Ár jyldarda Semei qalasynda «Zelenstroi» sharýashylyq eseptegi ýchaskesi kógaldandyrý bóliminiń agronomy, Alakól aýdanynda Alakól mehanikalandyrylǵan orman sharýashylyǵynyń jumysshysy, tseh sheberi, injeneri, Úsharal orman sharýashylyǵynda ormanshy, bas ormanshy, «Qaratal ormany» MMK Alakól filialynyń direktory, «Taldyqorǵan aǵashtary» MMK Alakól filialynyń direktory, «Alakól orman sharýashylyǵy» MM direktorynyń orynbasary, direktory, Sarqan, Alakól, Eńbekshiqazaq aýdandarynyń ákimi qyzmetterin atqardy.
Esterińizge sala keteiik, Almaty oblysy ákiminiń ókimimen Turdaliev Serik Melisuly basqa qyzmetke aýysýyna bailanysty oblys ákiminiń orynbasary qyzmetinen bosatyldy.
