Búgin bailanys jáne aqparat qyzmetkerleriniń kúnine orai oblys ákimi A. Batalov jýrnalisterdi merekesimen quttyqtady. Birqatar BAQ ókilderine qurmet gramotalar men alǵys hattar jáne basqa da arnaiy marapttar tapsyryldy. Jalpy jiynǵa aýdandyq, oblystyq jáne respýblikalyq BAQ ókilderiniń 150-ge tarta ókilderi men blogerler, ardager jýrnalister qatysty.
Oblys ákimi Amandyq Batalov tilshiler qaýymyna qarata aitqan quttyqtaýynda buqaralyq aqparat quraldarynyń qoǵamdaǵy mańyzyn atap ótip, óńirdiń áleýmettik-ekonomikalyq damýyna, memlekettik baǵdarlamalardyń oryndalý barysyna toqtaldy.
- Qurmetti jýrnalister! Gazet, teledidar, internet keńistigi – ýaqyt ainasy. Ol arqyly kún saiyn tyń derekter alyp, memleketimizdiń damýyn, oblysymyzdyń tynys-tirshiligin qadaǵalap otyramyz. Oblystaǵy, ár aýdan, qaladaǵy jańa bastamalar, jarqyn ister nemese tosyn oqiǵalar tilshiler qaýymynyń nazarynan tys qalǵan emes. Árqashan eńbekterińiz jemisti, merekelerińiz qutty bolsyn! – dedi óz quttyqtaýynda A. Batalov.
Osy jiynda kásibiligi, memlekettik aqparattyq saiasatty júzege asyrýdaǵy belsendiligi úshin birqatar jýrnalister marapatqa ie boldy. Máselen, «Jetisý» gazetiniń betteýshi-dizaineri Saqyp Tókeeva QR Aqparat jáne kommýnikatsiia ministrliginiń «Aqparat salasynyń úzdigi» tósbelgisimen marapattalsa, Eńbekshiqazaq aýdandyq «Eńbekshiqazaq» gazetiniń bas redaktory Hairolla Ahmetjanovqa Qazaqstan Jýrnalister odaǵynyń «Qazaqstannyń Qurmetti jýrnalisi» qurmet belgisi berildi. Sonymen qatar 4 tilshi oblys ákiminiń jáne QR Aqparat jáne kommýnikatsiia ministrliginiń Qurmet gramotasy men Alǵys hatyna ie boldy.
Óz kezeginde jýrnalister atynan sóz alǵan Nurtileý Imanǵali áriptesterin quttyqtap, kórsetilip otyrǵan qurmet pen qoldaý sharalaryna rizashylyǵyn bildirdi. Tilshiler qaýymyna merekelik kontsert usynyldy.
Jalpy, Almaty oblysynda búgingi kúni 104 BAQ tirkelgen. Onyń 83-i basylymdar, 11-i elektrondy jáne 10-y – júielik BAQ.
