Almaty oblysynyń Talǵar aýdanyndaǵy Taldybulaq aýylynda «Bal butaq» jekemenshik balabaqshasyndaǵy tárbieshilerdiń basy daýǵa qaldy, dep habarlaidy "Ult aqparat".
Áleýmettik jelide Jeltoqsan oqiǵasyna qatysty balabaqshada uiymdastyrylǵan erteńgiliktiń videosy jariialandy. Onda bir top bala qolynda oiynshyq qarýy militsiia rólinde bolsa, ekinshi bir top bala olarǵa qarsy transparant ustap turǵan.
Osy jaitqa bailanysty Almaty oblystyq bilim basqarmasynyń basshysy Dáýren Júnisov jaýap berdi.
«Mektepke deiingi tárbie men oqytýdyń úlgilik oqý baǵdarlamasynda beinede kórsetilen baǵyttaǵy is-sharalar qarastyrylmaǵan jáne de ondai sharalardy júrgizýge jol berilmeidi. Bul - jekemenshik balabaqshanyń ózindik áýesqoilyq qoiylymy. Qazirgi tańda balabaqsha quryltaishysy men ádiskeri Talǵar aýdandyq bilim bólimine túsindirý jumystaryn júrgizý úshin shaqyryldy. Sondai-aq, óz tarapymnan, osyndai is-áreketke jol berilmeýi kerektigi týraly jáne osyndai is-áreketterge jol bergen osy adamdarǵa eń qatań jazalaý sharalary qoldanylatyn málimdeimin», - dep jazdy Dáýren Júnisov Facebook-tegi paraqshasynda.
Sondai-aq, Almaty oblysy ákiminiń baspasóz hatshysy Ǵalymurat Júkel osy jaitqa bailanysty Talǵar aýdandyq bilim bóliminiń basshylyǵyna da shara qoldanylatynyn jetkizdi.
