Almaty-Nur-Sultan áýe reisiniń jolaýshylary karantinge jatqyzylmaidy, dep habarlaidy QazAqparat.
«Elimizdiń bas memlekettik sanitarynyń qaýlysynda mundai shara qarastyrylmaǵan. Árbir azamat óziniń turǵylyqty jerinde PTR testileýden ótýi kerek. Bul anyqtama 7 kúnge deiin jaramdy. Qolynda anyqtamasy bar adam Almatydan, Nur-Sultanǵa baryp keri qaita alady. Olarǵa karantin bolmaidy», - dedi brifing barysynda Jandarbek Bekshin.
Sonymen qatar, ol jolaýshy mindetti túrde maska taǵý kerektigin atap ótti. Ushaq qonǵannan soń termometriia jasalady.
«Eki kúndik karantinge Teńiz vahtalyq qalashyǵynan jáne shetelden kelgen jolaýshylar ǵana alynady», - dep tolyqtyrdy ol.
Eske sala ketsek, buǵan deiin Nur-Sultan men Almaty arasyndaǵy áýe reisteriniń kestesi jáne test ótýge bolatyn zerthanalardyń mekenjaiy men telefony jariialandy.
