Almaty qalalyq politsiia departamenti áleýmettik jelide taraǵan videonyń avtorlaryn anyqtady. Jigit "Almaty nash qoi, brat!" dep, aspanǵa tapanshadan oq atady. Ekinshisi ony videoǵa túsirip tur.
Videoda aldymen kóp qabatty úilerdiń birinen oq atylǵanyn kórýge bolady. Odan keiin jas jigitter dalaǵa shyǵyp, keshki ýaqytta taǵy aspanǵa oq atqan.
Almaty qalalyq politsiia departamenti jelide taraǵan videonyń kórgenin habarlady. Buzaqylardyń kim ekeni anyqtaldy. Qazirgi kezde olardy ustaý sharalary qolǵa alyndy.
"Almatydaǵy Bostandyq aýdandyq politsiia basqarmasynyń qyzmetkerleri videodaǵy jigitterdiń aty-jónin anyqtady. Olar mindetti túrde ustalady jáne zańǵa qaishy áreketi úshin jazaǵa tartady. Videodaǵy qarýdyń qaidan shyqqany da anyqtalady", - deidi quqyq qorǵaýshylar.
Al tekseris nátijesinde video avtorlarynyń qylmystyq kodekstiń qai baby boiynsha jazaǵa tartylatyny belgili bolady.
