Almaty ákimdigi QR BǴM birige otyryp pedagogikalyq sheberlik úshin tólenetin ústemeaqy máselesin sheshti, dep habarlaidy "Ult aqparat".
Qalalyq Bilim berý basqarmasynda habarlaǵandai, QR BǴM tarapynan osy maqsatta respýblikalyq biýdjetten qosymsha qarajat bólý máselesi qarastyrylyp jatyr.
«Pedagogikalyq stavkalardyń artýyna bailanysty tapshylyq paida boldy. Bul maqsatta bólinetin qarajat respýblikalyq biýdjette qarastyrylady», - dedi basqarmadan.
Búginde qalada 8100 muǵalim jergilikti biýdjetten 25 paiyzdyq qosymsha ústemeaqy aldy.
Odan bólek 15 myń muǵalimge ústemeaqy tólenbegen bolatyn.
Qalalyq basqarma respýblikalyq biýdjetten qarajat bólý týraly ótinim berdi.
Ministrlik tarapynan ótinim maquldandy. 10 qarashaǵa deiin barlyq muǵalimder tamyz-qyrkúiek aiyndaǵy ústemeaqysyn alady.
