Foto: Almaty ákimdigi
Almaty metrosynyń jeti stantsiiasynda uialy bailanys paida bolady jáne ol taiaýda iske qosylmaq, dep habarlaidy Almaty metropoliteniniń baspasóz qyzmeti.
Belgili bolǵanyndai, bailanys "Raiymbek", "Jibek Joly", "Almaly", "Abai", "Baiqońyr", "Muhtar Áýezov atyndaǵy teatr" jáne "Alataý" stantsiialarynyń platformalarynda qoljetimdi. Jaqyn arada jelige qosylý qalǵan tórt stantsiiada da paida bolady.
Qazir qyzmetterdi tek bir operator usynady. Degenmen metropoliten ákimshiligi basqa da kompaniialardy tartýdy josparlap otyr. Sonymen birge metro vagondarynda internet pen uialy bailanys qosý josparlanyp otyr.
Bailanys sapasyna qatysty suraqtar boiynsha metropoliten uialy bailanys operatoryna júginýdi usynady.
Eske salaiyq, buǵan deiin Almatyda metronyń "Abai" stantsiiasynda kózi nashar kóretin 26 jastaǵy jigit relske qulap, kóz jumǵanyn jazdyq. Oqiǵanyń videosy áleýmettik jelide tarap, kýágerler ony qutqarýǵa tyrysqany baiqaldy. Politsiia men jedel járdem dereý jetkenimen, azamatty aman alyp qalý múmkin bolmady. Oqiǵaǵa bailanysty tergeý jumystary júrip jatyr. "Abai" stantsiiasy ýaqytsha jabylyp, poiyzdar ol beketke toqtamaidy. Metronyń basqa stantsiialary qalypty rejimde jumys istep jatyr.
