Almaty metrosyna jarylǵysh zat qoiyldy dep habarlaǵan adam anyqtaldy, - dep habaralady kaz.tengrinews.kz Almaty qalalyq IID baspasóz qyzmetine silteme jasap.
"Ishki ister organdarynyń, Almaty men Almaty oblysynyń arnaiy qyzmetiniń kúsh biriktirýimen jarylǵysh zat qoiyldy dep habar bergen adam ustaldy, ol Sarqand qalasynyń kámeletke tolmaǵan turǵyny, ol bul qylmysqa buzaqylyq oi-nietpen barǵan", - dep habarlady IID ókilderi.
Sotqa deiingi tergeý barysynda telefon soqqan adamnyń terrorizm aktisi jaily jalǵan habar berý deregi boiynsha áreketine quqyqtyq baǵa beriledi jáne onyń kinásiniń deńdeii anyqtalady.
Eske salaiyq, Almatyda metropoliten jolaýshylaryn evakýatsiialap jatqany habarlanǵan. Almaty metropoliteniniń baspasóz qyzmetindegiler metro ǵimaratynda jarylǵysh zattyń ornatylǵany týraly anonim qońyraý túskenin málimdegen edi. Osydan keiin barlyq stantsiiadan evakýatsiialaý sharasy júrgizildi. Alaida keiin metroda jarylǵysh zat joq bolyp shyqty.
