Sýret: ashyq derekkóz
«Metropoliten» KMK qyzmetkerlerine qatysty jańa sotqa deiingi tergeý bastaldy, dep habarlaidy "Ult aqparat" Bas kólik prokýratýrasyna silteme jasap.
Qadaǵalaý organy kvazimemlekettik sektor kásiporyndarynyń biýdjet qarajatyn jumsaý kezindegi zań buzýshylyqtardy anyqtaýdy jalǵastyryp jatyr.
«Tekseris qorytyndysy boiynsha «Metropoliten» KMK qyzmetkerleri lokomotivterge arnalǵan bastapqy rezeńke serippelerdi 137 mln teńgege kóterilgen baǵamen satyp alǵan. Muny metropolitenniń aýditorlyq esebi de rastady, osyǵan bailanysty kólik prokýratýrasy sotqa deiingi tergep-tekserýdi tirkedi, ony qazirgi ýaqytta Almaty qalasy boiynsha Sybailas jemqorlyqqa qarsy qyzmet júrgizip jatyr», - delingen habarlamada.
Bas kólik prokýratýrasynyń málimetinshe, Qylmystyq protsestik kodekstiń 201-babyna sáikes, tergeý múddesi úshin basqa aqparat taratýǵa jatpaidy.
Aita keteiik, Almaly aýdandyq sotynda megapolistegi «Sary arqa» jáne «Baýyrjan Momyshuly» jańa metro stansalarynyń qurylysy kezindegi 5 milliard teńgeniń urlanýyna qatysty sot protsesi jalǵasyp jatyr.
