Almaty metropoliteniniń 10 jyldyǵy qarsańynda 8 jańa elektr poiyzy paidalanýǵa berildi. Endi metropolitende 15 poiyz turǵyndarǵa qyzmet kórsetedi. Bul týraly atalǵan mekemeniń baspasóz qyzmeti málim etti, dep habarlaidy QazAqparat.
Táýelsizdiktiń 30 jyldyǵynda Tuńǵysh Prezident kúni qarsańynda jáne Almaty metropoliteniniń 10 jyldyǵyna orai Almaty metropoliteni úshin arnaiy ázirlengen Ońtústik Koreianyń Hyundai Rotem kompaniiasy shyǵarǵan 8 jańa elektr jyljymaly quram paidalanýǵa beriledi.
«Quramnyń uzyndyǵy - 77,8 m, eń joǵary tehnikalyq jyldamdyq – 90 km/saǵ. Temperatýra rejimi: -35, +40s. 4 vagon quramyndaǵy jolaýshylardyń syiymdylyǵy 940 adam. Árbir vagon jylytý, jeldetý jáne aýa baptaý júiesimen, jolaýshylar salonynyń fliýrestsent jaryq shamdarymen jabdyqtalǵan», - delingen habarlamada.
Vagondarǵa ishki jáne syrtqy beinebaqylaý júiesi ornatylǵan. Mashinist kabinasynan vagondardyń ishindegi jáne syrtyndaǵy jaǵdaidy monitorda baqylai alady.
Barlyq vagon jolaýshylarǵa bireýinen ekinshisine qaýipsiz jáne yńǵaily ótýdi qamtamasyz etetin ashyq tiptegi (aralyq esiksiz) keń vagonaralyq ótý joldary arqyly biriktirilgen.
«Elektr poiyzdary jolaýshylar úshin de, qyzmet kórsetýshi personal úshin de joǵary qaýipsizdik pen jaily jaǵdaidy, sondai-aq energiia tutynýdyń tómendetilgen deńgeiin qamtamasyz etedi. Vagondar 30 jyl qaita jabdyqtaýsyz, jóndeýsiz qalypty paidalanýǵa arnalyp jobalanǵan jáne qurastyrylǵan», - delingen habarlamada.
Aita keteiik, osydan on jyl buryn, 2011 jyldyń 1 jeltoqsanda Nursultan Nazarbaev Qazaqstandaǵy alǵashqy jáne jalǵyz metropolitendi ashyp, alǵashqy jolaýshy boldy.
Sodan beri metro jumysy bir minýtqa da toqtaǵan joq.
