الماتى مەتروپوليتەنٸنٸڭ 10 جىلدىعى قارساڭىندا 8 جاڭا ەلەكتر پويىزى پايدالانۋعا بەرٸلدٸ. ەندٸ مەتروپوليتەندە 15 پويىز تۇرعىندارعا قىزمەت كٶرسەتەدٸ. بۇل تۋرالى اتالعان مەكەمەنٸڭ باسپاسٶز قىزمەتٸ مەلٸم ەتتٸ, دەپ حابارلايدى قازاقپارات.
تەۋەلسٸزدٸكتٸڭ 30 جىلدىعىندا تۇڭعىش پرەزيدەنت كٷنٸ قارساڭىندا جەنە الماتى مەتروپوليتەنٸنٸڭ 10 جىلدىعىنا وراي الماتى مەتروپوليتەنٸ ٷشٸن ارنايى ەزٸرلەنگەن وڭتٷستٸك كورەيانىڭ Hyundai Rotem كومپانيياسى شىعارعان 8 جاڭا ەلەكتر جىلجىمالى قۇرام پايدالانۋعا بەرٸلەدٸ.
«قۇرامنىڭ ۇزىندىعى - 77,8 م, ەڭ جوعارى تەحنيكالىق جىلدامدىق – 90 كم/ساع. تەمپەراتۋرا رەجيمٸ: -35, +40س. 4 ۆاگون قۇرامىنداعى جولاۋشىلاردىڭ سىيىمدىلىعى 940 ادام. ەربٸر ۆاگون جىلىتۋ, جەلدەتۋ جەنە اۋا باپتاۋ جٷيەسٸمەن, جولاۋشىلار سالونىنىڭ فليۋرەستسەنت جارىق شامدارىمەن جابدىقتالعان», - دەلٸنگەن حابارلامادا.
ۆاگوندارعا ٸشكٸ جەنە سىرتقى بەينەباقىلاۋ جٷيەسٸ ورناتىلعان. ماشينيست كابيناسىنان ۆاگونداردىڭ ٸشٸندەگٸ جەنە سىرتىنداعى جاعدايدى مونيتوردا باقىلاي الادى.
بارلىق ۆاگون جولاۋشىلارعا بٸرەۋٸنەن ەكٸنشٸسٸنە قاۋٸپسٸز جەنە ىڭعايلى ٶتۋدٸ قامتاماسىز ەتەتٸن اشىق تيپتەگٸ (ارالىق ەسٸكسٸز) كەڭ ۆاگونارالىق ٶتۋ جولدارى ارقىلى بٸرٸكتٸرٸلگەن.
«ەلەكتر پويىزدارى جولاۋشىلار ٷشٸن دە, قىزمەت كٶرسەتۋشٸ پەرسونال ٷشٸن دە جوعارى قاۋٸپسٸزدٸك پەن جايلى جاعدايدى, سونداي-اق ەنەرگييا تۇتىنۋدىڭ تٶمەندەتٸلگەن دەڭگەيٸن قامتاماسىز ەتەدٸ. ۆاگوندار 30 جىل قايتا جابدىقتاۋسىز, جٶندەۋسٸز قالىپتى پايدالانۋعا ارنالىپ جوبالانعان جەنە قۇراستىرىلعان», - دەلٸنگەن حابارلامادا.
ايتا كەتەيٸك, وسىدان ون جىل بۇرىن, 2011 جىلدىڭ 1 جەلتوقساندا نۇرسۇلتان نازارباەۆ قازاقستانداعى العاشقى جەنە جالعىز مەتروپوليتەندٸ اشىپ, العاشقى جولاۋشى بولدى.
سودان بەرٸ مەترو جۇمىسى بٸر مينۋتقا دا توقتاعان جوق.
