Almatyda meshitterde jamaǵatpen namaz oqýǵa shekteý qoiyldy. Bul týraly qalanyń bas sanitarlyq dárigeri Jandarbek Bekshin aitty, - dep habarlaidy «Ult aqparat».
9 maýsymda Qazaqstan musylmandary dini basqarmasynyń elimizdegi meshitterde jamaǵatpen namaz oqýǵa ruqsat etiletindigi týraly málimdemesi jariialanǵan bolatyn.
«Alaida Almaty qalasynda koronavirýstyq infektsiiamen aýyrǵandar sanynyń kóbeiýine bailanysty qala meshitterinde jamaǵatpen namaz oqýǵa shekteý qoiylady. Tek jekelei dini rásimderdi ótkizý men qulshylyq jasaýǵa jáne atribýtikalardy satý ruqsat etiledi.
Buǵan qosa dini ǵimarattaǵy jamaǵattyń sany 30 adamnan (bir ýaqytta) aspaýy kerek. Bul talaptar islam dininen basqa barlyq dini birlestikterge de qatysty.
Óz kezeginde, dini ǵimarattarǵa kelýshi jamaǵattan qoiylǵan shekteýlerge túsinistikpen qaraýdy jáne barlyq sanitarlyq talaptardy saqtaýdy suraimyz»,-delingen bas sanitarlyq dárigerdiń qaýlysynda.
