Foto: Polisia.kz
Almatydaǵy meshitte eki er adam urlyq jasap júrgen, – dep habarlaidy Polisia.kz.
Qalanyń Bostandyq aýdanynyń politseileri meshitte jasalǵan 7 urlyqtyń betin ashty.
"Jedel-izdestirý is-sharalary barysynda 29 jáne 34 jastaǵy jumyssyz er adamdar ustaldy. K.esimdi azamattyń 5 qylmysqa qatystylyǵy dáleldendi, onyń “áriptesi” E.esimdi azamat zańsyz áreketterdiń eki deregin jasaǵan. Eki aiyptalýshy da shahardyń iri meshitteriniń birinde birneshe urlyq jasaǵan. Zardap shekkenderdiń aitýynsha, olar namaz kezinde telefondaryn aiaqtarynyń astyna edenge qoiǵan. Namazdan keiin olar telefondaryn joǵaltqanyn baiqaǵan. Ustalǵandar urlyqqa qatysy baryn joqqa shyǵarmaidy. Olar óz kinálaryn moiyndap, istegen isterine ókindi. Qylmystyq is QR QK-niń 188-baby boiynsha tirkeldi. Kúdiktilerdiń qalanyń basqa da aýdandarynda jasalǵan osyǵan uqsas qylmystarǵa qatysy bar-joǵyn tekserýdemiz. Qazirgi ýaqytta qajetti tergeý amaldary júrgizilip jatyr", – dedi Bostandyq aýdandyq Politsiia basqarmasynyń bastyǵy Maqsat Qanapiaev.
