Foto: Pexels.com
Qazaqstan men Ońtústik Koreia arasynda alǵash ret loýkoster iaǵni biýdjettik áýe kompaniiasynyń ushaqtary usha bastady, dep habarlaidy Ult.kz 24kz arnasyna silteme jasap.
Alǵashqy reis Ońtústik Koreiadaǵy basty áýejai Inchhonnan shyǵyp Almatyǵa sátti qondy. Ońtústik koreialyq loýkosterdiń ushaqtary Inchhon men Almaty arasynda dúisenbi jáne juma kúnderi qatynaidy. Alǵashqy jolaýshylardy áýejaidan shyǵaryp salýǵa áýe kompaniiasynyń prezidenti men Qazaqstannyń Ońtústik Koreiadaǵy elshisi keldi.
"Qazir eki elge aptasyna orta eseppen 15 reis júzege asyrylady. Sizder Almatyǵa taǵy birneshe reis qostyńyzdar. Bul ekijaqty yntymaqtastyqtyń qarqyndy damyp jatqanyn kórsetedi jáne týrizm salasyndaǵy almasýdy arttyrýǵa septigin tigizedi. Saiahatshylar qarasy jyl saiyn 12 paiyzǵa ósip otyr. Bul óte jaqsy kórsetkish", - dedi QR Koreia Respýblikasyndaǵy Tótenshe jáne ókiletti elshisi Nurǵali Arystanov.
Loýkoster reisiniń ereksheligi - bortta biznes-klass oryndarynyń bolmaýy jáne tamaqtyń bólek aqymen berilýi. Degenmen, bul alǵashqy jolaýshylarǵa kedergi bola qoiǵan joq. Ushaq saparlaýshylarǵa toly boldy.
