14 tamyzda saǵat 14:38 shamasynda Almaty qalasy men Almaty oblysynyń birqatar aýdanynda elektr jaryǵy óshti, dep habarlaidy ult.kz.
Taratylǵan málimetke sáikes «KEGOC» AQ-ǵa tiesili 500 kV elektr jelilerinde apattyq jaǵdai bolyp, sonyń saldarynan elektrmen jabdyqtaý júiesinde avtomatty qorǵanys iske qosylǵan. Nátijesinde keibir tutynýshylar elektr jelisinen ýaqytsha ajyratyldy.
Almaty oblysynda jaryq Jambyl, Balqash, Esik, Qarasai, Shelek, Raiymbek, Uiǵyr, Ile, Kegen jáne Talǵar aýdandarynyń bir bóliginde óshti.
Al Almaty qalasynda Bostandyq, Naýryzbai, Áýezov jáne Alataý aýdandarynyń keibir aýmaqtary elektr jaryǵynsyz qaldy.
Ajyratylǵan elektr qýatynyń kólemi shamamen 300 MVt boldy.
Qazir «Alataý Jaryq Kompaniiasynyń» mamandary elektr energiiasyn qaita qosý jumystaryn júrgizip jatyr.
