Sońǵy 10 jylda eldegi sapasy nashar joldar 40 paiyzdan 12 paiyzǵa azaiǵan, dep habarlaidy QazAqparat tilshisi.
Ortalyq kommýnikatsiialar qyzmetinde ótken brifiingte «QazAvtoJol» ulttyq kompaniiasynyń basqarma tóraǵasy Ulan Álipov osylai málim etti.
«Nurly jol» memlekettik baǵdarlamasy boiynsha uzyndyǵy 4,4 myń shaqyrymnan asatyn 14 jobany júzege asyrý aldaǵy kúnniń mindetine kirip otyr. Atalǵan jobalarǵa 18 myń adam men 12 myń jýyqqa tehnika jumyldyrylǵan», - deidi kompaniia basshysy.
Sonyń arqasynda Ortalyq-Ońtústik, Ortalyq-Shyǵys, Ortalyq-Batys, Ortalyq-Soltústik dálizderinde jol sapasy jaqsarmaq. «Halyqaralyq dálizdermen qatar shekara mańyndaǵy baǵyttarǵa da basymdyq beriledi. Oǵan Almaty-Óskemen, Úsharal-Dostyq, Beineý-Aqjigit, Qalbataý-Maiqapshaǵai, Aqtóbe-Atyraý-Resei shekarasy baǵyttary kiredi. Qazirgi ýaqytta merdigerlik sharttarǵa qol qoiylyp, daiyndyq jumystary jasalyp jatyr», - dedi Ulan Álipov.
Qazaqstan joldaryn jóndeýge sheteldik investorlar da qarjy quiyp otyr.
«Memlekettik emes qaryz esebinen memlekettik kepildikpen Eýropa qaita qurý jáne damý bankimen jáne Qytaidyń «EKSimBankimen» kelisim jasaldy. Tartylǵan qarajattyń esebinen Taldyqorǵan-Óskemen (763 shaqyrym), Qalbataý-Maiqapshaǵai (415 shaqyrym), Merki-Býrylbaital (266 shaqyrym), Kúrti-Býrylbaital (143shaqyrym) ýchaskelerinde jumystar júrip jatyr», - dedi Ulan Álipov.
Onyń aitýynsha, «QazAvtoJol» ulttyq kompaniiasy óz strtegiiasyn qaita qarap jatyr. Budan bylai negizgi basymdyq adam qaýipsizdigine beriletin bolady. Sol úshinde Nur-Sultan men Almatynyń arasyn jalǵaityn respýblikalyq mańyzdaǵy joldardyń bárin 4 jolaqty, birinshi dárejeli joldarǵa ainaldyrý kózdelgen. Biz qazir qoǵamnyń strategiiasyn qaita qaraimyz. Al jol boiyndaǵy adam ólimin múlde joiý úshin Zero Vision júiesi engizilmek.
