Sýret: rsk.almaty.kz
Oksford Ekonomiks analitikalyq kompaniiasy álemdegi eń iri 1000 qalanyń jahandyq indeksin jariialady. Búginde álem halqynyń 30 paiyzy, sondai-aq álemdik ekonomikanyń 60 paiyzǵa jýyǵy iri qalalarǵa tiesili, dep habarlaidy "Ult aqparat" Kazinform-ǵa silteme jasap.
Jahandyq reiting boiynsha, kóshbasynda:
- London
- San-Hose (AQSh)
- Tokio
- Parij
- Sietl (AQSh)
- Los-Andjeles (AQSh)
- San-Frantsisko (AQSh)
- Melbýrn (Avstraliia)
- Tsiýrih (Shveitsariia) tur.
Sarapshylar atap ótkendei, jahandyq qala indeksi oǵan Qazaqstannyń 3 megapolisi: Almaty, Astana jáne Shymkent kiretindigimen erekshelenedi.
Almaty men Astana, Oksford Ekonomiks sarapshylarynyń baǵalaýy boiynsha, úzdik 300 qalanyń qataryna enip, 305-orynda turǵan Resei astanasy Máskeýdiń aldyna shyqty.
«Mysaly, Almaty adam kapitaly boiynsha 55-shi orynda bolsa, Máskeý 115-shi orynda. Sonymen qatar, Oksford Ekonomiks mamandarynyń baǵalaýynsha, Almaty men Astana ómir súrý sapasy boiynsha Resei astanasyn basyp ozdy», - dep atap ótti Ekonomikalyq zertteýler institýty.
Indeksterdi esepteýde barlyǵy 27 kórsetkish qoldanylady. Mysaly, aýa tazalyǵy, temperatýra, jaýyn-shashyn aýytqýlary, ekologiia jaǵdaiy, tabiǵi apattar syndy kriterilermen anyqtalady.
Adami kapital kelesi kórsetkishterden qalyptasady: bilim deńgeii, halyqtyń ósimi, ýniversitetter, halyqtyń jas erekshelikteri, kompaniianyń shtab-páteri, shetelde týǵan halyq.
