Erjan Babaqumarov mektepterdiń jańa oqý jylyna oflain formattaǵy daiyndyǵyn tekserdi, dep habarlaidy "Ult aqparat".
Almaty qalasy ákiminiń orynbasary Erjan Babaqumarov qalalyq bilim basqarmasynyń basshysy Lázzat Jylqybaevamen birge bilim infraqurylymynyń jańa oqý jylynda oqýshylardy qabyldaýǵa daiyndyǵymen tanysty.
Eske salsaq, QR Prezidenti Qasym-Jomart Toqaev mektep oqýshylarynyń dástúrli formatta oqýǵa daiyndyǵyn qamtamasyz etýdi tapsyrǵan bolatyn.
Jumys sapary aiasynda jańa jáne qosalqy nysandardyń mektep oqýshylaryn qabyldaýǵa daiyndyǵy tekserildi.
Biyl tabiǵi ósimniń jáne kóshi-qonnyń artýy arqasynda Almatyda oqýshylar sany 280 myń balaǵa jetti.
Osyǵan orai ári kúrdeli epidemiologiialyq ahýaldy eskere otyryp, bilim berý úderisi kezinde qaýipsizdik sharalary men áleýmettik qashyqtyqty qamtamasyz etý úshin jańa oqýshy oryndaryn ashý barynsha mańyzdy.
Máselen, №38 gimnaziia men №199 mekteptiń qosalqy nysandary, №40 jáne №45 mektepterdi qalpyna keltirý jáne seismikalyq kúsheitý jumystary tekserildi.
№21 mektep aýmaǵyndaǵy 120 oryndy jańa balabaqshanyń daiyndyǵy qosymsha tekserildi.
Osy nysandardy iske qosýdyń arqasynda jańa oqý jylyna 1025 jańa oqýshy orny qurylatyn bolady.
Almatyda 2025 jylǵa deiin bilim nysandarynyń qurylysyn jedel júrgizý qalalyq baǵdarlamasy aiasynda mektepterdegi oryn tapshylyǵyn 73% tómendetý josparlanyp otyr.
Sanitarlyq-epidemiologiialyq qaýipsizdik sharalaryn saqtaý máselelerine jiti nazar aýdaryldy. №56 gimnaziia mektebiniń tájiribesi boiynsha oqýshylar men oqý protsesine qatysatyn basqa tulǵalardyń temperatýrasyn ólsheitin arnaiy kirý júiesin engizý múmkindigi qarastyrylǵan.
Ákimniń orynbasary Erjan Babaqumarov bilim mekemeleriniń aýmaǵyn salý men abattandyrýdy merziminde aiaqtaýdyń mańyz ekenin atap ótti jáne bilim berý qaýipsizdigin qamtamasyz etý boiynsha birqatar naqty tapsyrmalar berdi.
COVID-19-ǵa qarsy vaktsinalanýǵa basa nazar aýdaryldy. Búginde Almatyda 705 myńǵa jýyq turǵyn vaktsinalandy, muǵalimder ekpemen 100% qamtyldy (vaktsinalanýy tiis tulǵalar sany boiynsha).
Alaida, balalardy qorshaǵan ortanyń qaýipsizdigin qamtamasyz etý úshin eresek turǵyndardy, onyń ishinde ata-analardy vaktsinalaýmen qamtýdy ulǵaitý qajet.
