Foto: Almaty qalasy Bilim basqarmasy
Almaty qalasynyń Bilim basqarmasynyń sheshimine sáikes, 2025-2026 oqý jylynyń úshinshi toqsanynan bastap qala mektepteri BilimClass elektrondyq jýrnalyna kóshedi.
BilimClass – tegin mobildi qosymshasy bar, serverleri Qazaqstan aýmaǵynda ornalasqan jáne paidalanýshylar derekteriniń qaýipsizdigi men qupiialyǵyn qamtamasyz etetin tolyqtai qazaqstandyq platforma.
Bul sheshimge deiin platforma jan-jaqty taldaýdan ótip, Almaty qalasyndaǵy 15 mektepte pilottyq rejimde aprobatsiialandy. Sonyń nátijesinde BilimClass júiesi barlyq qajetti talaptarǵa sai ekenin kórsetti. Platformaǵa kóshý aldynda muǵalimder BilimClass-pen jumys isteý boiynsha tegin oqýdan ótti. Sonymen qatar qoldaý qyzmeti mektepterdi súiemeldep, týyndaǵan suraqtarǵa jedel túrde jaýap beredi.
BilimClass elektrondyq jýrnaly mektepti basqarý júiesi, oqý kontenti, ádistemelik taldaý jáne analitika quraldaryn da usynady. Qazirgi tańda BilimClass júiesin Qazaqstannyń 11 óńirindegi 2,5 million oqýshy men 350 myńǵa jýyq muǵalim paidalanyp otyr. Atap aitqanda, platforma Almaty, Aqmola, Batys Qazaqstan, Qostanai, Aqtóbe, Ulytaý, Abai, Qyzylorda, Jetisý, Túrkistan jáne Soltústik Qazaqstan oblystarynda qoldanysta. Platformany ázirleýshi – Qazaqstandaǵy jetekshi Bilim Group IT holdingi. Onyń quramyna BilimLand, OnlineMektep, BilimKids, iTest, BilimUstaz, Kitap.kz jáne SmartNation siiaqty ónimder kiredi.
BilimClass – serverleri Qazaqstan aýmaǵynda ornalasqan tolyqtai otandyq ónim. Júie paidalanýshylar derekteriniń qaýipsizdigi men qupiialyǵyn qamtamasyz etip, zańnamalyq talaptardy qatań saqtaidy. Ata-analar men oqýshylar BilimClass mobildi qosymshasyn tegin paidalanady. Qosymsha sabaq kestesi, sabaqqa qatysý, oqý úlgerimi men úi tapsyrmalary týraly tolyq aqparat usynady. Pedagogter úshin platformada kúntizbelik-taqyryptyq josparlaý, qashyqtan sabaq ótkizý múmkindigi, óz sabaqtaryn júkteý, interaktivti tapsyrmalar, BJB/TJB katalogy, chat jáne oqýshylarmen keri bailanys quraldary qoljetimdi.
Platformaǵa kóshý oqý protsesine áser etpeýi úshin arnaiy qysqy demalys kezeńinde júrgizildi. Osy ýaqytta muǵalimder júiemen jumys isteý boiynsha oqýdan ótti.
Sonymen qatar mektepterge BilimClass platformasymen qatar, Bilim Group kompaniiasynyń basqa da ónimderi usynylady. Olardyń qatarynda UBT-ǵa daiyndalýǵa kómektesetin iTest onlain-trenajeri, bastaýysh synyp oqýshylaryna arnalǵan qazaq tilindegi iMektep videosabaqtar platformasy, sondai-aq TMD aýmaǵyndaǵy eń iri tsifrlyq bilim berý kontent qory sanalatyn BilimLand te bar.
