Almaty mektepteri dástúrli formatqa oqýǵa daiyn. Bul týraly onlain brifing barysynda qalalyq bilim basqarmasynyń basshysy Lázzat Jylqybaeva málim etti, dep habarlaidy "Ult aqparat".
Onyń aitýynsha, megapolistegi barlyq mektep qyzmetkerleri 100 paiyz vaktsina aldy.
«Vaktsina saldyrýǵa qarsy kórsetilimi bar qyzmetkerlerden basqa, memlekettik bilim berý uiymdarynyń barlyq qyzmetkerleri 100% vaktsina aldy», - dedi basqarma basshysy.
Sonymen qatar, ol bilim berý uiymdary «Ashyq» jobasyna qosylǵanyn jetkizdi.
«Qazirgi ýaqytta koronavirýs infektsiianyń taralýynyń aldyn alý maqsatynda qalanyń bilim berý uiymdarynda osy oqý jylynda shekteýlerdi saqtai otyryp, 1-den 11-synypqa deiingi mektep oqýshylaryn oqytýdyń dástúrli formatyna kóshýge daiyn. Atap aitar bolsaq, barlyq bilim berý uiymdary «Ashyq» jobasyna qosylǵan», - dedi spiker
Basqarma basshysy oqýshy aýyrǵan jaǵdaida synyp qashyqtyqtan oqytýǵa jiberiletinin jetkizdi.
«Naýqas nemese bailanysta bolǵan ata-analardyń balalary qashyqtyqtan bilim alady. Sonymen qatar, kabinetter synypqa bekitilgen (bir synyp – bir kabinet). Bastaýysh, orta jáne joǵary býyn balalary úshin mektepke jeke kirý esikteri qamtamasyz etiledi (balalardy áleýmettik qashyqtyqty saqtaý maqsatynda mektepke ártúrli kireberisterden jiberetin bolady), sondai-aq ǵimarat ishinde balalar foie men dálizderde belgileri kórsetilgen bloktar boiynsha júretin bolady», - dedi ol.
