Almaty qalasynyń turǵyny ulyn renjitkenderden qomaqty qarjy ótep almaq. Onyń 11 jastaǵy uly muǵalimnen zardap shekken, - dep habarlaidy Tengrinews.kz KTK telearnasyna silteme jasap.
Mýzyka sabaǵy kezinde pedagog balanyń qulaǵynan uryp, artynsha, anasynyń aitýynsha, ulyn "jylańqy qyz" dep til tigizgen.
Bolǵan jaittan keiin muǵalim jumystan ketken. Alaida oqýshyny basqa oqýshylar men muǵalimder qýdalaǵan.
"Biyl balamdy basqa mektepke aýystyrdyq. Muǵalimdi kelesi kúni jumystan shyǵaryp jibergendikten, árine, sol jaǵdaidan keiin keibir oqýshylar men muǵalimder meniń balamdy ańdi bastaǵan. Muǵalimder ony jala japty dep, onyń kesirinen muǵalim jumyssyz qalǵany úshin aiyptady", - deidi balanyń anasy.
Zardap shekken balanyń otbasy mektepke ashýly. Olar sotqa aryzdanyp, bes million teńgeden óndirip almaq. Jeńiske jetken jaǵdaida aqshany qaiyrymdylyqqa jumsamaq.
Mektep ákimshiligi másele sheshilgenine senimdi bolǵan. Alaida sottan kelgen jańa sotaldy habarlama olardyń jaǵasyn ustatqan.
"Biz úshin bul kútpegen jait boldy: eshqashan qol kóterý jaǵdaiy bolmaǵan. Árine, muǵalimdi árqalai aqtap alýǵa bolady. Ádildik jaǵynan biz bul jaǵdaida qandai sheshim qabyldaý keregin sot sheshetin jaǵdaiǵa jettik", - dedi Janiia Áýbákirova atyndaǵy mekteptiń transformatsiialyq, ákimshilik úderisteriniń basshysy Almas Saparǵaliev.
