Almaty mańyndaǵy jeke sektor turǵyndary gaz ornatý máselesine kelise almai, jappai tóbeles shyǵardy, - dep habarlaidy Tengrinews.kz tilshisi KTK telearnasyna silteme jasap.
Janjal aýyl turǵyndarynyń jinalysy kezinde oryn aldy. Jergilikti turǵyndar ekige bólindi: keibireýleri kógildir otyndy memlekettik baǵdarlama boiynsha kútemiz dese, basqalary jeke merdigermen kelisýge daiyn.
"Biz osy jyly memlekettik baǵdarlamany birneshe jyl kútpei-aq kommertsiialyq gaz bergenin qalaimyz. Baǵdarlamany birneshe jyl kútý degen ne sumdyq? Kommertsiialyq gaz 370 myń, memlekettik baǵdarlamamen 150 myń, memlekettik baǵdarmany 3 jyl kútýim kerek eken. Úsh jyl ishinde kómir, otyn satyp alamyn, pesh jaǵamyn, kúl jinaimyn, úsh jylda 370 myńnan kóp shyǵyn shyǵyp ketedi", - dep túsindirdi jeke sektordyń turǵyny Kúlásh Áýbákirova.
Aýyl turǵyndarynyń aitýynsha, merdiger qubyr salyp, qajetti qural-jabdyqtar ornatqan. Bul úshin ár otbasy 400 myń teńge tólegen. Biraq úilerge gaz ornatylǵan joq. Sebebi kompaniianyń ruqsat qujattary joq bolyp shyqqan. Biraq, eki jarym jyl buryn sheneýnikter ruqsat bergenin aitady jergilikti turǵyndar.
Endi daiyn qubyrlardy bólshekteý kerek. Bul turǵyndardy odan saiyn ashýlandyrdy. Olar narazylyqpen kóshege shyqty.
"Qubyrlardy buza bastady. Biz olardyń kim ekenin, qubyrlardy nege syndyryp jatqanyn suradyq. Olar ózderin ákimdikten jibergenin aitty", - dedi Aigúl Erkebaeva.
Turǵyndardyń bir bóligi memlekettik baǵdarlama boiynsha ornatylatyn gazdy kútýge daiyn. Olar sheneýniktermen yntymaqtasa otyryp, kógildir otyndy arzanǵa qoidyratynyna senimdi.
"Biz arzan gazdy qalaimyz. Biz qarapaiym halyqpyz. Sondyqtan bizge arzan gaz qajet. 370 myń olardyń aitqan bastapqy baǵasy, biraq bolashaqta odan kóp suraýy múmkin", - dedi Jumabike Oqasova.
Ákimdikte merdigerdiń jobalyq-smetalyq qujattamasy joq ekenin aitady. Jekemenshik iesi qubyrlardy zańsyz salǵan degen boljam bar.
"Memlekettik baǵdarlama boiynsha biýdjet jasalyp jatyr. Biz 40 úidi gazǵa qosamyz. Árine, biz keshe qubyrlardy alýǵa tyiym saldyq, sebebi turǵyndar aqsha tólep qoiǵan. Investor aldymen qubyrlardy tartyp alǵan, sodan keiin aqsha tóleidi. Meniń oiymsha, bul durys emes", - dedi Talǵar aýdany Qainar aýyldyq okrýginiń ákimi Nurbolat Manapbaev.
Merdiger óz jumysyn aiaqtaýǵa ruqsat almaǵandyqtan, qubyrlardy bólshekteýge týra keledi. Al sheneýnikter osy jyldyń sońyna deiin jobalyq-smetalyq qujattama ázirleýge ýáde berip otyr. Biraq aýylǵa gaz ornatý qashan bastalatyny jáne onyń qansha turatyny áli belgisiz.
