Almaty mańynda apatqa ushyraǵan ushaq jolaýshylarynyń ishinde IIM-niń Qurmetti ardageri Rústem Qaidarov ta bolǵan, dep habarlaidy "Ult aqparat" QR IIM baspasóz qyzmetine silteme jasap.
Ishki ister ministri jáne IIM-niń jeke quramy Rústem Esimhanulynyń týǵan-týystaryna, jaqyn-jýyqtaryna qaiǵyryp kóńil aitty.
Rústem Qaidarov - ádilet general-maiory, óz eńbek jolyn qarapaiym tergeýshiden bastap, Ishki ister ministriniń birinshi orynbasaryna deiin kóterildi.
Rústem Esimhanuly qazaqstandyq politsiianyń qalyptasýy men damýyna, qylmyspen kúreske jáne qoǵamdyq tártipti saqtaýǵa ólsheýsiz úles qosty. Elimizdiń ár túpkirinde basshylyq laýazymda laiyqty qyzmet atqaryp júrgen quqyq qorǵaý júiesiniń kóptegen qyzmetkerin tárbielep shyǵardy.
«Ol qurmetti eńbek demalysynda júrse de qoǵamdyq ómirge belsene aralasty, qazaqstandyq politsiianyń jańa býynyn patriottyq rýhta tárbieleý, urpaqtar sabaqtastyǵyn jalǵaý isine úles qosty.
IIM-niń Qurmetti ardageri Rústem Esimhanuly Qaidarovtyń qaiǵyly qazasy búkil elimizdiń quqyq qorǵaý júiesine orny tolmas aýyr qaiǵy ekeni sózsiz», - delingen habarlamada.
Aita keteiik, keshe tańǵy mezgilde Almatydan Nur-Sultan qalasyna shyqqan ushaq radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy.
Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia bardy.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi.
