Foto: videodan skrinshot
Almaty memlekettik tabiǵi qoryǵy aýmaǵynda mekendeitin Sibir eligi – tabiǵi tepe-teńdiktiń mańyzdy indikatory. Latynsha ataýy Capreolus pygargus sanalatyn bul janýar – qoryqtaǵy 41 sútqorektiniń biri.
Sibir eligi teńiz deńgeiinen 1200–3000 metr biiktikte kezdesedi. Ol aralas japyraqty, qylqan japyraqty ormandarda, sýbalpi jáne alpi beldeýlerinde tirshilik etedi. Bir shatqaldan ekinshisine kóshken kezde 3000 metrge deiin kóterilýge beiimdelgen.
Elikter barlyq ósimdiktermen qorektenedi, ásirese shóp, buta japyraqtary men aǵash qabyqtary ratsionynda erekshe oryn alady. Olar kóbine tańerteń, keshke jáne túnde belsendi júredi.
Eliktiń balasy “eńlik” dep atalady. Eńlikter mamyr aiynda týady, alǵashqy kúnderi qozǵalmai, shóp arasynda tyǵylyp jatady. Anasynyń janynda júredi. Al atalyq elikter jeke tirshilik etedi. Jazda – dara, qystan kóktemge deiin – toptasyp ómir súredi.
Búginde qoryq aýmaǵy júieli túrde qorǵalyp, jabaiy janýarlar úshin tynysh orta qamtamasyz etilgen. Bul – Sibir eliginiń sanyn turaqty saqtap qalýda mańyzdy ról atqaryp otyr.
