Almaty oblysy, Ile aýdany Baiserke aýylyndaǵy demalys oryndarynyń birinde kisi óltirýge oqtalý deregi boiynsha sotqa deiingi tergeý aiaqtaldy, dep habarlaidy "Ult aqparat".
Almaty oblystyq Politsiia departamentiniń baspasóz qyzmeti demalys ornyndaǵy atys boiynsha tergeý qalai júrip jatqanyn aitty.
«Is sotaldy tergeýdiń biryńǵai tiziliminde «Eki jáne odan da kóp adamǵa qatysty bir top adamnyń aldyn ala sóz bailasyp, buzaqylyq nietpen adam óltirýge oqtalýy» jáne «Atys qarýyn qoldana otyryp jasalǵan buzaqylyq» baptary boiynsha tirkelgen. 2021 jyly 9 sáýirde sotaldy tergeý aiaqtaldy, qylmystyq is materialdarymen tanysý bastaldy.Ózge málimetter tergeý múddelerine qatysty jariia etilmeidi», - dep habarlady politsiiadan.
Eske salaiyq, 31 qazan kúni Almaty oblysy, Ile aýdany, Baiserke aýylyndaǵy demalys ornynda atys boldy.
Jaraqat alǵandar aýrýhanaǵa túsip, kúdiktiler ustalǵan bolatyn.
