Almaty oblysynda qoqys poligonyndaǵy órtti sóndirýge 3 tonna sý tasymaldaityn qurylǵysy bar MI-8 tikushaǵy qosyldy, dep habarlaidy "Ult aqparat" Tótenshe jaǵdailar komitetine silteme jasap.
Órt túni boiy sóndirildi, qazirgi ýaqytta oqiǵa ornynda Almaty oblysy TJD jeke quramynan 40 adam, 8 tehnika, Ile aýdany ákimshiliginen 26 adam, sondai-aq 10 sý tasýshy tehnika, 3 býldozer, 3 tiegish, 5 samosval jumys istep jatyr.
Órt alańy - 3 gektar. Al jalpy qoqys tastaityn alańnyń aýmaǵy 38 gektardy quraidy.
«Órt ornynda úzdiksiz sý berilip jatyr. Sonymen qatar qazirgi ýaqytta janý oshaqtaryn qaita qunarlandyrý jáne topyraqpen jabý sharalary júrgizilýde» delingen habarlamada.
