sýret ashyq derekkózden alyndy
«Altyn Orda» bazary mańynda №112 avtobýs jeńil kólikke soqtyǵysyp, keiin qorshaýǵa soǵyldy. Saldarynan eki adam zardap shekti, dep habarlaidy QazAqparat.
Oqiǵanyń videosy áleýmettik jelide tarady.
Almaty oblystyq politsiia departamentiniń málimetinshe, jol apaty 23 sáýir kúni keshki saǵat 19:00 shamasynda bolǵan.
«Almaty-Bishkek» tasjolynyń 17-shaqyrymynda kele jatqan Yutong avtobýsynyń júrgizýshisi araqashyqtyqty saqtamai, aldynda kele jatqan DAEWOO kóligimen soqtyǵysyp, ol inertsiiamen beton joldyń jiegine soǵylǵan. Avtobýs ta beton jiekke, keiin inertsiiamen metall qorshaýdy soqqan»,- dep habarlady vedomstvodan.
Apat saldarynan 1971 jyly týǵan áiel men 7 jasar bala zardap shekti. Olar aýrýhanaǵa jatqyzyldy.
Politsiianyń aitýynsha, atalǵan derek boiynsha qajetti saraptama taǵaiyndalǵan. Avtobýs júrgizýshisine qatysty QR ÁQBtK 610-baby 2-bóligi boiynsha ákimshilik hattama toltyryldy.
