سۋرەت اشىق دەرەككٶزدەن الىندى
«التىن وردا» بازارى ماڭىندا №112 اۆتوبۋس جەڭٸل كٶلٸككە سوقتىعىسىپ, كەيٸن قورشاۋعا سوعىلدى. سالدارىنان ەكٸ ادام زارداپ شەكتٸ, دەپ حابارلايدى قازاقپارات.
وقيعانىڭ ۆيدەوسى ەلەۋمەتتٸك جەلٸدە تارادى.
الماتى وبلىستىق پوليتسييا دەپارتامەنتٸنٸڭ مەلٸمەتٸنشە, جول اپاتى 23 سەۋٸر كٷنٸ كەشكٸ ساعات 19:00 شاماسىندا بولعان.
«الماتى-بٸشكەك» تاسجولىنىڭ 17-شاقىرىمىندا كەلە جاتقان Yutong اۆتوبۋسىنىڭ جٷرگٸزۋشٸسٸ اراقاشىقتىقتى ساقتاماي, الدىندا كەلە جاتقان DAEWOO كٶلٸگٸمەن سوقتىعىسىپ, ول ينەرتسييامەن بەتون جولدىڭ جيەگٸنە سوعىلعان. اۆتوبۋس تا بەتون جيەككە, كەيٸن ينەرتسييامەن مەتالل قورشاۋدى سوققان»,- دەپ حابارلادى ۆەدومستۆودان.
اپات سالدارىنان 1971 جىلى تۋعان ەيەل مەن 7 جاسار بالا زارداپ شەكتٸ. ولار اۋرۋحاناعا جاتقىزىلدى.
پوليتسييانىڭ ايتۋىنشا, اتالعان دەرەك بويىنشا قاجەتتٸ ساراپتاما تاعايىندالعان. اۆتوبۋس جٷرگٸزۋشٸسٸنە قاتىستى قر ەقبتك 610-بابى 2-بٶلٸگٸ بويىنشا ەكٸمشٸلٸك حاتتاما تولتىرىلدى.
