Foto: NUR.KZ/Vladimir Tretiakov
Almaty politsiiasy qalaǵa terroristik shabýyl jasaýǵa qatysqan sodyrlardyń máiiti kómilgen orynnyń tabylǵany týraly aqparatty rastady, dep habarlaidy "Ult aqparat".
«Iá, bul ras málimet. Tártipsizdikke qatysýshylardy anyqtaý qiynǵa soǵý úshin jasyryn jerleý jumystary júrgizilgen.
Jedel tergeý toby jumystardy aiaqtaǵannan keiin tolyq aqparat usynylady», - dedi Almaty qalalyq politsiia departamentiniń resmi ókili Saltanat Ázirbek.
Basqa málimetter áli jariialanǵan joq.
Aita keteiik, buǵan deiin Almaty komendanty Qanat Taimerdenov qaza tapqan lańkesterdiń denesin sodyrlar ózderimen birge alyp ketkenin aitqan bolatyn.
"Shabýyldaýshylar ólgenderdi tastap ketken joq, jaralylardy da ózderimen birge alyp ketti. Bul kúnderi máiithanaǵa 7 ret shabýyl jasaldy. Qaza bolǵan 41 adamnyń máiiti urlandy", - dedi Almaty politsiia departamentiniń bastyǵy Qanat Taimerdenov OSK-degi brifingte.
Qazaqstanda búlik kezinde 227 adam kóz jumdy, onyń 151-i Almatyda qaza boldy.
