فوتو: NUR.KZ/ۆلاديمير ترەتياكوۆ
الماتى پوليتسيياسى قالاعا تەرروريستٸك شابۋىل جاساۋعا قاتىسقان سودىرلاردىڭ مەيٸتٸ كٶمٸلگەن ورىننىڭ تابىلعانى تۋرالى اقپاراتتى راستادى, دەپ حابارلايدى "ۇلت اقپارات".
«يە, بۇل راس مەلٸمەت. تەرتٸپسٸزدٸككە قاتىسۋشىلاردى انىقتاۋ قيىنعا سوعۋ ٷشٸن جاسىرىن جەرلەۋ جۇمىستارى جٷرگٸزٸلگەن.
جەدەل تەرگەۋ توبى جۇمىستاردى اياقتاعاننان كەيٸن تولىق اقپارات ۇسىنىلادى», - دەدٸ الماتى قالالىق پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەك.
باسقا مەلٸمەتتەر ەلٸ جارييالانعان جوق.
ايتا كەتەيٸك, بۇعان دەيٸن الماتى كومەندانتى قانات تايمەردەنوۆ قازا تاپقان لاڭكەستەردٸڭ دەنەسٸن سودىرلار ٶزدەرٸمەن بٸرگە الىپ كەتكەنٸن ايتقان بولاتىن.
"شابۋىلداۋشىلار ٶلگەندەردٸ تاستاپ كەتكەن جوق, جارالىلاردى دا ٶزدەرٸمەن بٸرگە الىپ كەتتٸ. بۇل كٷندەرٸ مەيٸتحاناعا 7 رەت شابۋىل جاسالدى. قازا بولعان 41 ادامنىڭ مەيٸتٸ ۇرلاندى", - دەدٸ الماتى پوليتسييا دەپارتامەنتٸنٸڭ باستىعى قانات تايمەردەنوۆ وسك-دەگٸ بريفينگتە.
قازاقستاندا بٷلٸك كەزٸندە 227 ادام كٶز جۇمدى, ونىڭ 151-ٸ الماتىدا قازا بولدى.
