Sairan. Foto: NUR.KZ/Iýliia Abramova
Qalalyq tótenshe jaǵdailar departamenti jarylys sebebin transformatordyń órtenýimen bailanystyrady, dep habarlaidy Ult.kz.
Almatylyqtardy alańdatqan jarylys syndy tarsyl jaryqtyń óshýine alyp keldi.
Tótenshe jaǵdailar departamenti 08:53-te Ótegen batyr kóshesi, 76-úidiń mańynda transformator janyp jatqany týraly habarlama túskenin málim etti.
Oqys oqiǵaǵa órt sóndirý bólimderi jedel jetip, transformator podstantsiiasynda 0,2 sharshy metr aýmaq órtenip jatqanyn anyqtaǵan. Sol sebepti, elektr jelisi qyzmetkerleri nysandy toqtan ajyratyp otyr.
Órt ornyna 9 qutqarýshynyń barǵany jaily aqparat kezdesedi. Olar qaýipsizdik tehnikasyn saqtai otyryp, tilsiz jaýmen alysyp jatyr. Tótenshe jaǵdailar departamenti qazirgi ýaqytta ashyq jalynnyń joqtyǵyn habarlady.
