Foto: Maqsat QUusaiynov
Táýelsizdigimizdiń altyn besigi, mádenietimiz ben ónerimizdiń máiegi, qarjy men kásipkerliktiń qýatty ortasy bolyp otyrǵan shaharymyz Almatynyń «Qala kúni» merekesi zor mánge ie. Osy merekege orai alyp Alataýdyń alabyndaǵy aishyqty «Alataý» dástúrli óner teatry ónerpazdarynyń ǵasyrlardan tartyp búgingi kúnge jetken ulttyq ónerimizdiń asyl jaýharlaryn pash etetin syrly áýendi, ásem sazdy qoiylym-kontsertterin 15-21 qyrkúiek kúnderi aralyǵynda qalamyzdyń turǵyndary men qonaqtaryna tartý etti.
«Qala kúnin» atap ótýge arnalǵan merekelik sharalardyń sherýi
15-19 qyrkúek kúnderi «Alataý» dástúrli óner teatrynyń artisteri «Almaty aialdamasy» atty merekelik mobildi kontsertik baǵdarlamasymen arnaiy avtobýsta qalamyzdyń tarihi mańyzy bar oryndary men negizgi kóshelerin aralap shyqty.
Qalamyzdaǵy tarihi mańyzy bar oryndar men negizgi kóshelerin qamtyp, etno-mádeni kontsertpen qala turǵyndaryna merekelik kóńil-kúi syilaidy.
Dýmandy «Avtobýs» aralaǵan meken-jailar: «Atakent» kórme ortalyǵynda, «Almaty-2» temirjol vokzaly; Abai atyndaǵy Qazaq Ulttyq opera jáne balet teatry; Qala ortalyǵy «Arbatta» jalǵasyn tapty.
20 qyrkúiekte Almaty qalasy Mádeniet basqarmasynyń qoldaýymen, «Alataý» dástúrli óner teatrynyń uiymdastyrýymen «Asyl Qazyna» atty dástúrli án-kúiler negizindegi mýzykalyq kontserti ótken bolatyn. Qazaqtyń tamyryn tereńnen tartatyn uly óneriniń biri, ǵasyrlardyń altyn arqaýy - dástúrli áni. Halqymyz arman-ańsaryn, qaiǵy-muń, saǵynysh-sherin, ókinishi men úmit, qýanysh-shattyǵyn – san-alýan sezim-kúiin osy ǵajaiyp saz ben tańǵajaiyp kúilerinde órnektep, urpaqtan – urpaqqa jalǵady. Sol ǵajap muramyzdy nasihattaǵan kontsert «Prezident saiabaǵynda» ótti. Sahnada Erkin Shúkiman, Ardaq Isataeva, Nurjan Janpeiis, Sáýle Janpeiisova, Tileýles Qurmanǵali, Amangeldi Kúzeýbai, Talǵat Ábýǵazy syndy dástúrli án dúldilderi men «Alataý» dástúrli óner teatrynyń ónerpazdary basqa da ánshi-kúishiler óner kórsetti.
20 qyrkúiekte dástúrli án-jyrlarymyzdy zamanaýi naqyshta oryndap, kórermenniń oń baǵasyn alyp júrgen teatr ártisteriniń «Qazaqsha terapiia» teatrlandyrylǵan jobasynyń “Ǵasyrlar úni” atty kontserti kórermender yqylasyna bólendi.
21 qyrkúek kúni «Astana alańynda» Almatylyqtardy Qala kúnimen alǵashqylardyń biri bolyp atyańyzǵa ainalǵan «Dos-Muqasan» ansambli quttyqtady. Almaty turǵyndary men qonaqtaryna arnalǵan «Almaty keshi» atty qoiylym-kontsertte «Alataý» dástúrli óner teatrynyń ártisteri merekelik kóńil-kúi syilady.
Elimizdegi ulttyq ónerdiń oshaǵyna ainalǵan biregei «Alataý» dástúrli óner teatrynyń ónerpazdary qala turǵyndary men qonaqtarynyń rýhyn kóterip, aitýly merekede dástúrli ónerimizdi ulyqtap, dáripteýde.
Asqaq Alataýdyń baýraiynda ornalasqan arý qala – Almaty, onyń jasyl jelekke jamylǵan kórki barlyq otandastarymyzdyń ystyq yntazarlyǵyn oiatyp, maqtanyshyna ainaldy. Qalamyzdyń árbir turǵyny qazirgi jasampaz qoǵamnyń «Jańa Qazaqstan» atalatyn tarih tolqynyndaǵy jańa betterine jazylar jarqyn bolashaǵyn birge jasaityn bolady.
Ardaq Berkimbai
