Foto: Almaty qalasy ákimdigi
Almatydaǵy Naýryzbai batyr kóshesinde aidyń basynan beri kók tústi jol tańbasy paida boldy, -dep habarlaidy "Ult Aqparat".
«Almaty parking» mekemesi kommýnaldyq aqyly turaq aimaǵy osylai tańbalanatyn habarlady.
Bul jańalyq kólik júrgizýshilerine turaq aimaǵynda júrýge kómektesýge arnalǵan. Buryn aqyly avtoturaqtar tek 5, 10 jáne 20 sandary bar sheńbermen beinelengen aqparattyq taqta túrinde kórsetilgen. Alaida mundai belgiler árdaiym aqyly turaq shekaralaryn naqty kórsete bermeidi.
«Kók tústi tańba Naýryzbai batyr kóshesinde paida boldy jáne odan ári barlyq kommýnaldyq aqyly avtoturaqta qoldanylady. Tyǵyz trafik kezinde jol belgisi baiqalmaýy múmkin, al kók tańba nazar aýdartady. Bul qalalyq infraqurylymdy jaqsartý jáne Almaty turǵyndary men qonaqtary úshin jailylyq deńgeiin arttyrý jónindegi baǵdarlamanyń bir bóligi. Kólik júrgizýshileri qazirdiń ózinde turaq aimaǵyn anyqtaý protsesin qarapaiym ári túsinikti etetin jańa júieniń artyqshylyǵyn baǵalai alady», - delingen «Almaty parkingtiń» habarlamasynda.
