Almatyda ystyq sý qubyrynyń jarylýy saldarynan kóshe men birneshe kólik sý astynda qaldy. Kólikterdiń ishinde adamdar bolǵan. Tótenshe jaǵdailar qyzmetiniń málimetine sáikes, zardap shekkender joq.
Apat túski saǵat bir kezinde Raiymbek dańǵyly men Bókeihan kósheleriniń qiylysynda bolǵan.
Almaty qalasy turǵyn úi-kommýnaldyq sharýashylyǵy jáne jylýenergiia kesheniniń resmi ókili Ian Girinniń aitýynsha, apatqa 700 millimetrlik qubyrdyń tozýy sebep bolǵan. Ol 1971 jyly qoldanysqa berilgen.
"Tótenshe jaǵdai saldarynan kóshe men bes kólik sý astynda qaldy. Eshkim aitarlyqtai zardap shekken joq. Er adam ystyq sýǵa kúiip qaldy dep oilaǵan bolatynbyz. Alaida dárigerler teksergen soń, ol aýrýhanaǵa barýdan bas tartty", - dedi Ian Girin.
Aldyn ala málimetke sáikes, 55 kóppáterli turǵyn úi, 152 jer úi, 1 litsei, 1 aýrýhana men taǵy 129 nysan ystyq sýsyz qaldy.
Qazirgi ýaqytta oqiǵa ornynda apat saldaryn joiý jumysy júrgizilip jatyr. Bul iske tótenshe jaǵdailar qyzmetiniń 18 qyzmetkeri men 9 tehnika jumyldyrylǵan.
Kólik ieleriniń shyǵyny óteletin bolady. Bul úshin olar tiisti aryz jazý kerek.
