Almatyda túnimen qar jaýdy. Qar kúreý jumystaryna arnaiy tehnikalar jumyldyryldy, dep habarlaidy "Ult aqparat".
Almatyda 7-8 qańtar aralyǵynda jaýǵan qardy kúreý úshin 527 arnaiy tehnika birliginiń kezekshiligi uiymdastyryldy, onyń ishinde 193 qum laqtyrǵysh kólik pen 318 jol jumysshy bar.
Jalpy qalaǵa qalyńdyǵy 5-7 sm, al taý etegindegi aýdandarǵa 3 sm qar tústi. Kommýnaldyq qyzmetter qar jaýǵannan bastap jolǵa kók muzdan saqtandyratyn materialdar sebýde.
«Kóktaiǵaqtyń aldyn alý úshin qar jaýa bastalysymen joldarǵa, burylystar men jolairyqtardyń aldyna arnaiy materialdar tógilýde. Tún mezgilinde 3786 tonna qum sebildi. Qaladan 806 tekshe metr qar syrtqa shyǵaryldy»,– delingen qalalyq kommýnaldyq qyzmettiń habarlamasynda.
Qar kúreý jumystaryn baqylaý úshin aýdan ákimdikteri men qala ákimdiginde táýlik boiy kezekshilik uiymdastyryldy.
