الماتىدا تٷنٸمەن قار جاۋدى. قار كٷرەۋ جۇمىستارىنا ارنايى تەحنيكالار جۇمىلدىرىلدى, دەپ حابارلايدى "ۇلت اقپارات".
الماتىدا 7-8 قاڭتار ارالىعىندا جاۋعان قاردى كٷرەۋ ٷشٸن 527 ارنايى تەحنيكا بٸرلٸگٸنٸڭ كەزەكشٸلٸگٸ ۇيىمداستىرىلدى, ونىڭ ٸشٸندە 193 قۇم لاقتىرعىش كٶلٸك پەن 318 جول جۇمىسشى بار.
جالپى قالاعا قالىڭدىعى 5-7 سم, ال تاۋ ەتەگٸندەگٸ اۋداندارعا 3 سم قار تٷستٸ. كوممۋنالدىق قىزمەتتەر قار جاۋعاننان باستاپ جولعا كٶك مۇزدان ساقتاندىراتىن ماتەريالدار سەبۋدە.
«كٶكتايعاقتىڭ الدىن الۋ ٷشٸن قار جاۋا باستالىسىمەن جولدارعا, بۇرىلىستار مەن جولايرىقتاردىڭ الدىنا ارنايى ماتەريالدار تٶگٸلۋدە. تٷن مەزگٸلٸندە 3786 توننا قۇم سەبٸلدٸ. قالادان 806 تەكشە مەتر قار سىرتقا شىعارىلدى»,– دەلٸنگەن قالالىق كوممۋنالدىق قىزمەتتٸڭ حابارلاماسىندا.
قار كٷرەۋ جۇمىستارىن باقىلاۋ ٷشٸن اۋدان ەكٸمدٸكتەرٸ مەن قالا ەكٸمدٸگٸندە تەۋلٸك بويى كەزەكشٸلٸك ۇيىمداستىرىلدى.
