Almatyda eki jigit taqtaishalarda jazylǵan eskertýderdi elemei, qorǵanys qorshaýlarynan attap, tehnikalyq aýmaqqa kirip, qorshaýdaǵy jolbarysty yzalandyrǵan. Bul týraly haiýanattar baǵynyń Instagram-daǵy paraqshasynda jariialandy, - dep habarlaidy Tengrinews.kz agenttigi.
Jazbada ekeýi janýarǵa álde bir zattardy laqtyryp, mazasyn alyp, zoobaqqa kelýshi basqa adamdardy balaǵattaǵan delingen.
"Ókinishke qarai, qaýipsizdik qyzmetkerleri haiýanattar baǵynyń ár buryshynda tura almaidy. Óitkeni zoobaq aýmaǵy úlken - 21 gektar jerde ornalasqan. Biz janýarlarǵa qatysty osyndai dóreki is-áreketterge jol berilgenin qalamaimyz. Qazirgi ýaqytta osy másele jan-jaqty qarastyrylyp jatyr. Kináliler mindetti túrde jazasyn alady", - dedi zoobaq ókilderi.
