الماتىدا ەكٸ جٸگٸت تاقتايشالاردا جازىلعان ەسكەرتۋدەردٸ ەلەمەي, قورعانىس قورشاۋلارىنان اتتاپ, تەحنيكالىق اۋماققا كٸرٸپ, قورشاۋداعى جولبارىستى ىزالاندىرعان. بۇل تۋرالى حايۋاناتتار باعىنىڭ Instagram-داعى پاراقشاسىندا جارييالاندى, - دەپ حابارلايدى Tengrinews.kz اگەنتتٸگٸ.
جازبادا ەكەۋٸ جانۋارعا ەلدە بٸر زاتتاردى لاقتىرىپ, مازاسىن الىپ, زووباققا كەلۋشٸ باسقا ادامداردى بالاعاتتاعان دەلٸنگەن.
"ٶكٸنٸشكە قاراي, قاۋٸپسٸزدٸك قىزمەتكەرلەرٸ حايۋاناتتار باعىنىڭ ەر بۇرىشىندا تۇرا المايدى. ٶيتكەنٸ زووباق اۋماعى ٷلكەن - 21 گەكتار جەردە ورنالاسقان. بٸز جانۋارلارعا قاتىستى وسىنداي دٶرەكٸ ٸس-ەرەكەتتەرگە جول بەرٸلگەنٸن قالامايمىز. قازٸرگٸ ۋاقىتتا وسى مەسەلە جان-جاقتى قاراستىرىلىپ جاتىر. كٸنەلٸلەر مٸندەتتٸ تٷردە جازاسىن الادى", - دەدٸ زووباق ٶكٸلدەرٸ.
