Almatyda haiýanattar baǵy ýaqytsha jabyldy, dep habarlaidy "Ult aqparat".
«Almaty haiýanattar baǵynyń ákimshiligi COVID-19 virýsyna bailanysty qalyptasqan jaǵdaiǵa jáne elimizde koronavirýs infektsiiasynyń taralýyna jol bermeý, sondai-q onyń aldyn-alý sharalarynyń kúsheitilýine orai haiýanattar baǵy 2020 jyldyń 14 naýryzynan bastap kelýshiler úshin ýaqytsha jabyq bolatynyn habarlaidy. Almaty haiýanattar baǵynyń ashylýy týraly kosymsha habarlanady», - delingen zoobaqtyń Instagram-daǵy paraqshasynda.
Aita keteik, osy ýaqytta Qazaqstanda koronavirýs infektsiiasyn juqtyrýdyń 4 jaǵdaiy tirkeldi. Onyń biri Italiianyń Milan qalasynan Nur-Sultanǵa ushyp kelgen azamat. Úsh adam Germaniiadan Almatyǵa áýe qatynasymen kelgen. Barlyǵy aýrýhanaǵa jatqyzyldy.
Budan buryn aitqanymyzdai, elimizde koronavirýs tirkelgen jaǵdaida Úkimet janyndaǵy vedomstvoaralyq komissiia tiisti is-sharalar josparyn bekitken edi. «B» jospary búgin kúshine endi. Qazir barlyq shara bekitilgen algoritm boiynsha júrgizilip jatyr. Koronavirýs infektsiiasyna shaldyqty dep kúdiktelgen tulǵada aýrýdyń klinikalyq belgisi joq. Epidemiiaǵa qarsy barlyq qajetti shara qoldanylyp jatyr, sonyń ishinde oqshaýlaý, emdeý jáne dezinfektsiialyq is-shara bar. - karantinge jatqyzý úshin tósek oryndary ázirlengen; - meditsinalyq preparattar men dezinfektsiialyq quraldar qory jetkilikti; - meditsinalyq personal tolyq daiyn; - suraq týǵan jaǵdaida, 1406 nómirine call ortalyqqa habarlasý kerek.
