Foto: gov.kz
Almaty kedeninde zańsyz ákelingen dári-dármek partiiasy anyqtaldy, - dep habarlaidy "Ult aqparat" Almaty qalasy boiynsha memlekettik kirister departamentiniń baspasóz qyzmetine silteme jasap.
"Jetisý" keden beketinde kedendik tekserý barysynda Úndistannan zańsyz ákelingen dári-dármek partiiasynyń joly kesildi.
"Taǵamǵa biologiialyq belsendi qospa" degen atpen taza salmaǵy 356 keli bolatyn 54 449 dana daiyn dárilik zattardyń partiiasyn (tabletka túrinde) elge kirgizýge tyrysqan", - delingen habarlamada.
Kedendik saraptama nátijesinde taýar "dárilik zat" ekeni jáne terapevtik maqsattarda paidalanýǵa arnalǵany anyqtaldy. Ol dozalanǵan dárilik formada bólshek saýdaǵa arnalyp oralǵan.
"Júrgizilgen esepteýlerge sáikes taýardyń kedendik quny 43,4 million teńgeni, al biýdjetke keltirilgen shyǵyn somasy 5,2 million teńgeni qurady.
Syrtqy ekonomikalyq qyzmetke qatysýshynyń is-áreketinen Qylmystyq kodekstiń 234-babynda kózdelgen "ekonomikalyq kontrabanda" zańbuzýshylyq belgileri baiqalady. Osyǵan bailanysty material sheshim qabyldaý úshin Almaty qalasy boiynsha ekonomikalyq tergeý departamentine jiberildi", - delingen habarlamada.
Jalpy, jyl basynan beri departament kedendik tekserý nátijeleri boiynsha keden zańnamasyn buzýdyń 780 faktisin anyqtaǵan. Aiyppul somasy 6,4 million teńgeni qurady, qosymsha 82,2 million teńgege kedendik tólemder men salyqtar eseptelip, óndirildi.
MKD "Qazaqstan Respýblikasyndaǵy kedendik retteý týraly" Kodekstiń 34-baby 1-tarmaǵyna sáikes Eýraziialyq ekonomikalyq odaqtyń kedendik aýmaǵyna ákelinetin taýarlar odaqtyń kedendik shekarasynan ótken kezden bastap kedendik baqylaýda bolatynyn eske salady.
