Almaty kásipkerleri múliktik zalaldyń ornyn toltyrý úshin qandai qujattardy usynýy kerek. Bul týraly Almaty óńirlik kommýnikatsiialar qyzmetinde qala ákiminiń orynbasary Iliias Óserov aityp berdi, dep habarlaidy QazAqparat.
Onyń málimetinshe, aldymen zardap shekken biznes ókilderi ótinishti elektrondy nysanǵa «InfoKazakhstan.kz» jiberýi tiis. Bul rette muny senimhat negizinde áreket etetin adamdarǵa jasaýǵa múmkindik bar.
Ótinish berýshi kelesi qujattar paketin usynýy qajet:
- jeke kásipker úshin – JK jeke basyn kýálandyratyn qujattyń kóshirmesi, JK talony;
- zańdy tulǵalar úshin – zańdy tulǵanyń memlekettik tirkelgenin rastaityn qujattyń kóshirmesi;
- múlikke menshik quqyǵyn nemese ózge de zattyq quqyqty rastaityn qujattar, sáikestendirý qujattary;
- búlingen múlikti qalpyna keltirýge arnalǵan shyǵystar smetasy;
- búlingen nemese joiylǵan jyljymaly múlik jáne (nemese) taýarlyq-materialdyq qundylyqtar úshin – baǵalaý týraly esep;
- joǵalǵan (urlanǵan) taýarǵa memlekettik kiris organdarynan, fiskaldyq derekter;
- memlekettik kiris organdarynan, fiskaldyq derekter operatorlarynan ótken jylǵy ainalym somalary týraly málimetterdi suratýǵa jáne alýǵa kelisim;
- ózge de qujattar (foto jáne beinematerialdar).
Almaty ákiminiń orynbasary kásipker usynǵan qujattar paketin óńirlik komissiia jáne Qor komissiiasy bes kúntizbelik kún ishinde qaraitynyn atap ótti.
