Almatydaǵy karaoke klýbtarynyń birinde soqqy kórdim degen qyzdyń málimdemesine qatysty ekinshi tarap óz nusqasyn aityp berdi, - dep habarlaidy Tengrinews.kz.
29 jastaǵy Nurjannyń aitýynsha, sol kúni keshke ol súiiktisi jáne dostarymen oiyn-saýyq mekemesinde bolǵan. Olarǵa jaqyn mańdaǵy ústelde bir top qyzdar otyrǵan, olardyń arasynda jábirlenýshi Toǵjan Begalina da bar.
"Árine, meniń qurbym qarsylasty jáne ózin qorǵady. Ol burylǵan sátte ekeýi de qulap ketti. Bizdiń ústel bi alańynda bolǵan, olar baspaldaqtan qulady. Toǵjan artynda turǵandyqtan meniń qyzym onyń ústine tústi. Olar bir-birin ura bastady. Men tez olardy ajyrattym. Videony óshirýdi suraǵan qyz da keldi. Ol meniń qyzymdy artynan kelip tunshyqtyra bastady. Men oǵan jaqyndap, ony jiberýin buiyrdym", - dep basa aitty almatylyq.
Karaoke-klýbtaǵy tóbelestiń bastalǵan kezi
Er adam bul tóbeleste Toǵjan Begalinanyń taǵy bir dosy bolǵanyn aitty. Onyń aitýynsha, ol Nurjannyń súiiktisine de soqqy berýge tyrysqan.
"Men Toǵjandy ajyratýǵa tyrystym. Ol qyzymnyń shashynan julyp jatqan edi. Osydan keiin kúzetshiler kelip, barlyǵyn bóle bastady. Kúzetshiler meni jasyrýǵa tyrysty, sebebi tórt qyz maǵan shabýyl jasady. Kúzetshiler Toǵjandy da shyǵarǵysy keldi, biraq ol ydystardy qyzmetkerlerge laqtyrdy. Onyń dostary da aiqailap, ydystardy syndyrdy.
Keiin olar syrtqa shyǵyp, meniń qyzymdy kútti. Ony basqa kúzetshiler shyǵarǵany jaqsy boldy. Biz taksi ustap ketip qaldyq. Men Toǵjandy uryp, tunshyqtaryp, basyn jerge urǵan joqpyn. Ol politsiiaǵa jazǵan aryzynda osylai kórsetipti. Meniń salmaǵym 80 keli kez kelgen soqqym qyzdyń denesinde iz qaldyrar edi. Biraq onda birde bir jara, kógerý izi qalmaǵan. Ony qyzdyń sýretterinen de kórýge bolady", - dedi Nurjan.
Ol kelesi kúni Toǵjannyń atynan jaǵdaidy túsingisi keletin belgisiz er adam qońyraý shalǵanyn aitty. Alaida, jigit bul adamdarmen kezdesýden bas tartqan.
