Almaty qalasynyń jergilikti politsiia qyzmetiniń basshysy Jasulan Baikenov qyzmetinen bosatyldy, - dep habarlaidy Tengrinews.kz tilshisi Almaty qalalyq IID-niń baspasóz qyzmetine silteme jasap.
"Túsken raport boiynsha Almaty qalasynyń jergilikti politsiia qyzmetiniń basshysy, politsiia podpolkovnigi Baikenov Jasulan Qudaibergenuly qyzmetinen bosatyldy", - dep habarlady politsiiadaǵylar.
Baikenov quqyq qorǵaý organdaryndaǵy qyzmetin 2004 jyly Almaly aýdandyq politsiiasynda ýchaskelik inspektordyń kómekshisi retinde bastaǵan. 2007 jyldan bastap túrli ishki ister aýdandyq basqarmalarynda qoǵamdyq qaýipsizdik bólimshelerin basqardy, metropoliten IIB basshysynyń jáne Túrksib IIB basshysynyń orynbasary, Almaty IID ákimshilik politsiia basqarma basshysynyń orynbasary bolǵan. 2016 jyldyń qańtarynan bastap Almaty qalalyq jergilikti politsiia qyzmetin basqardy.
JPQ basshysynyń mindetine qoǵamdyq tártipti saqtaý, qoǵamdyq oryndar men aýla ishki aýmaqtardaǵy quqyqbuzýshylyqtardyń aldyn alý boiynsha baqylaý júrgizý, ýchaskelik inspektorlardyń, sondai-aq iývenal politsiia inspektorlarynyń jáne jol-patrýldik politsiia polki inspektorlarynyń jumysyn baqylaý kiredi.
Sonymen qatar, Almaly aýdandyq IIB JPQ basshysy, politsiia kapitany Serik Qumabekovtyń qyzmettegi salǵyrttyǵy úshin ornynan bosatylǵany anyqtalyp otyr. Ol bul bólimsheni 2017 jyldyń sáýirinen beri basqarǵan.
