2020 jyldyń 18 mamyrynan bastap Almaty qalalyq memlekettik kirister departamenti jańa jumys rejimine kóshedi, dep habarlaidy "Ult aqparat".
Almaty qalasy boiynsha memlekettik kirister departamenti tótenshe jaǵdai rejiminiń aiaqtalýyna jáne karantin merzimin uzartýǵa bailanysty qyzmet alýshylarǵa qatysty jańa ereje qabyldanǵanyn habarlaidy. Sonymen, 18 mamyrdan bastap memlekettik qyzmet kórsetý eki ádispen júzege asyrylady: bailanyssyz jáne kontaktili túrde.
Aita ketý kerek, qazirgi ýaqytta memlekettik qyzmetterdiń 84%-y avtomattandyrylǵan, 44 memlekettik qyzmettiń 37-in elektrondy túrde alýǵa bolady.
Elektrondy túrde júzege asyrylmaityn memlekettik qyzmetterdi eki jolmen alýǵa bolady: «elektrondyq úkimet» portaly arqyly ótinish berý jáne aldyn ala brondaý arqyly kelý negizinde», - dep habarlady departamentten.
Kelý ýaqyty sanitarlyq-epidemiologiialyq talaptardy saqtai otyryp, túski úzilispen 9-00-den 18-30-ǵa deiin. Ózine-ózi qyzmet kórsetý terminaldary ýaqytsha jumys istemeidi.
Endi ár aptanyń sársenbisinde Instagram platformasynda Almatydaǵy memlekettik kirister departamentiniń qyzmetkerleri salyq jáne keden zańnamasyndaǵy ózekti máseleler men jańalyqtardy qarastyrý úshin salyq tóleýshilermen tikelei efir ótkizedi.
Salyq tóleýshiler tikelei efirde spikerlerge suraqtaryn qoia alady.
