Almaty ákimi Baqytjan Saǵyntaev qalalyq densaýlyq saqtaý júiesi koronavirýsqa qatysty jaǵdai nasharlaǵan jaǵdaida naýqastardy qabyldaýǵa daiyn dep sendirdi, dep habarlaidy "Ult aqparat".
«Jalpy alǵanda, qalanyń barlyq emdeý mekemelerinde tósek-oryn jetkilikti. Búgingi kúni qosymsha 7 myńnan astam oryn daiyndaldy, 5 myńnan astam tósek–oryn rezervte tur. Búgingi kúni onyń 34%-y ǵana bos emes. 255 reanimatsiialyq tósek bar. Qazir onyń 60-tan astamy qoldanysta. Qalǵany rezervte. Dári-dármekte jetedi», - dedi shahar basshysy Almaty Invest forýmynda.
Sondai-aq, ol zamanaýi ári sapaly meditsinalyq qural-jabdyqtardyń satyp alynǵanyn tilge tiek etti. Meditsinalyq personaldyń kadrlyq rezervi 2 myńnan astam adamdy quraidy.
«Eger jaǵdai qiyndasa, qalanyń densaýlyq saqtaý júiesi naýqastardy qabyldaýǵa daiyn dep sendire alamyn», - dedi ákim.
