الماتى ەكٸمٸ باقىتجان ساعىنتاەۆ قالالىق دەنساۋلىق ساقتاۋ جٷيەسٸ كوروناۆيرۋسقا قاتىستى جاعداي ناشارلاعان جاعدايدا ناۋقاستاردى قابىلداۋعا دايىن دەپ سەندٸردٸ, دەپ حابارلايدى "ۇلت اقپارات".
«جالپى العاندا, قالانىڭ بارلىق ەمدەۋ مەكەمەلەرٸندە تٶسەك-ورىن جەتكٸلٸكتٸ. بٷگٸنگٸ كٷنٸ قوسىمشا 7 مىڭنان استام ورىن دايىندالدى, 5 مىڭنان استام تٶسەك–ورىن رەزەرۆتە تۇر. بٷگٸنگٸ كٷنٸ ونىڭ 34%-ى عانا بوس ەمەس. 255 رەانيماتسييالىق تٶسەك بار. قازٸر ونىڭ 60-تان استامى قولدانىستا. قالعانى رەزەرۆتە. دەرٸ-دەرمەكتە جەتەدٸ», - دەدٸ شاھار باسشىسى Almaty Invest فورۋمىندا.
سونداي-اق, ول زاماناۋي ەرٸ ساپالى مەديتسينالىق قۇرال-جابدىقتاردىڭ ساتىپ الىنعانىن تٸلگە تيەك ەتتٸ. مەديتسينالىق پەرسونالدىڭ كادرلىق رەزەرۆٸ 2 مىڭنان استام ادامدى قۇرايدى.
«ەگەر جاعداي قيىنداسا, قالانىڭ دەنساۋلىق ساقتاۋ جٷيەسٸ ناۋقاستاردى قابىلداۋعا دايىن دەپ سەندٸرە الامىن», - دەدٸ ەكٸم.
