Almaty qalasy sanitarlyq-epidemiologiialyq baqylaý departamenti áleýmettik jelide tarap jatqan jańa qaýlynyń qaýeset ekendigin aitty, dep habarlaidy "Ult aqparat".
Instagram (almata_city) áleýmettik jelisinde Jandarbek Bekshin Almatyda karantin shekteýlerin ózgertti. Kóptegen nysandarǵa «demalys kúnderi jumys isteýge tyiym salynady» degen jańa qaýly paida boldy.
Almaty qalasynyń sanitarlyq-epidemiologiialyq baqylaý departamenti bul aqparat jalǵan ekenin habarlaidy.
«Almaty qalasynyń bas memlekettik sanitarlyq dárigeriniń sońǵy qaýlysy 2 sáýir 2021 jyly № 15 «Almaty qalasynda koronavirýs infektsiianyń taralýyn shekteý jónindegi sharalardy kúsheitý týraly» shyqqan bolatyn», - dep habarlady departamenttiń baspasóz qyzmeti.
Vedomstvodaǵylar jalǵan aqparat taratqany úshin qoldanystaǵy zańnamada qylmystyq jaýapkershilik kózdeletinin eske saldy.
