Almatylyqtar men qala qonaqtary buǵan deiin 425 teńgege satyp alǵan «Ońai» kólik kartasyn endi 500 teńgege satyp alady, dep habarlaidy Baq.kz tilshisi.
Bul aqparat instagram-daǵy almaty_city paraqshasynda jazyldy.
Almaty kólik holdingindegiler kartanyń ózindik quny 425 teńgeden joǵary ekenin aitty.
«Biz turǵyndardyń barlyǵyn kartamen qamtamasyz etý úshin osy baǵany ustap turdyq. Búgingi kúnge deiin biz 2 mln 11 myń karta jasadyq. Qalada 1,5 mln adam turady, onyń 40%-y ǵana qoǵamdyq kólikti paidalanady», - deidi «Almaty qalasy Kólik holdingi» JShS-niń (elektrondy bilettendirý júiesiniń operatory) direktory Samir Hamraev.
Tólemniń basqa tásili – quny 2000 teńge turatyn (buryn 1000 teńge bolǵan) «Ońai» breloktary men 700 teńgege satylatyn dizainerlik karta.
Sondai-aq, Almaty avtobýstarynda jolaqyny SMS, bank kartasy, NFC tehnologiiasy boiynsha, Homebank mobildi qosymshasynyń QR-kodtary arqyly jáne «SMSBus passajir» mobildi qosymshasy arqyly tóleýge bolady.
