Foto: canva.com
Bir jylda qalaǵa 507 myńnana asa sheteldik týrist keldi, dep habarlaidy Ult.kz inbusiness.kz -ke silteme jasap.
Qala "Condé Nast Traveller" jýrnalynyń nusqasy boiynsha úzdik 5 taý-shańǵy baǵytynyń qataryna enip otyr. Sonymen qatar, Almatyny New York Times saiahat úshin úzdik 10 orynnyń biri retinde kórsetken. Al Qatar Travel Mart 2024-te 60 eldiń arasynan "Úzdik týristik baǵyt" nominatsiiasyn aldy.
2024 jyly Qazaqstandaǵy týristik aǵyndaǵy Almatynyń úlesi 25%-ǵa jetken. Iaǵni, týrizm salasyndaǵy investitsiia 29,3%-ǵa ósip, 86,6 mlrd teńgege artqan. Sonyń arqasynda salyqtyq túsimder 76,9 mlrd teńge deiin óskeni baiqalady.
Almaty týrizmdi damytý arqyly Ortalyq Aziiadaǵy jetekshi orynyn nyǵaityp jatyr. 2024 jyldyń 9 aiynda qalaǵa 1,7 million týrist kelse, onyń 507,6 myńy sheteldik týrist bolyp shyqty. Bul ótken jylmen salystyrǵanda 24%-ǵa kóp.
Shyǵyn deńgeii joǵary sheteldik týristerdi tartý Almaty úshin basym baǵytqa ainaldy. Osy úshin Qytai, Túrkiia, Ońtústik Koreia, Ulybritaniia, Germaniia, BAÁ, Italiia, Malaiziia, Saýd Arabiiasy jáne Singapýr syndy 10 negizgi naryqqa basa nazar aýdarylyp jatyr.
