Prezident ákimshiliginiń jáne Almaty qalasy ákiminiń kelisimi boiynsha Almaty qalasy politsiia departamentiniń basshysy laýazymyna politsiia polkovnigi Taimerdenov Qanat Daniiaruly taǵaiyndaldy, – dep habarlaidy PD baspasóz qyzmeti.
Politsiia general-maiory Serik Myrzaqululy Kúdebaev Almaty oblysy Politsiia departamentiniń basshysy bolyp taǵaiyndaldy.
Politsiia departamentiniń jańa basshysyn jeke quramǵa ishki ister ministri Erlan Turǵymbaev tanystyrdy.
Taimerdenov Qanat Daniiaruly 1976 jyly týǵan. Ishki ister organdarynda 1995 jyldan isteidi. Basshylyq laýazymdarda jumys tájiribesi mol.
2012-2017 jyldary Almaty qalasy Politsiia departamentiniń birinshi orynbasary boldy. Osydan keiin Mańǵystaý oblysynyń Politsiia departamentine basshylyq etti.
